面對青春期的煩惱

Updated: Nov 16, 2019

囡囡 Jasmine 啱啱踏入九歲,我每年都有帶佢去衛生署學生健康服務檢查,身邊好多朋友兒女都同囡囡差唔多年紀,所以家長們近期都會開始傾談兒女青春期等問題。


📷2015 年資料


作為一個七十後,都已經唔係好記得我當年踏入青春期嘅狀況,只係隱約記得身邊嘅朋友們都係初中嘅時候先會有經期。喺2015年嘅衛生署學生健康服務小冊子提到早熟與遲熟嘅資訊,表示大約10至15歲有經期均屬正常。而我近呢幾個月,都會喺書局度留意關於青春期嘅書籍。發現書本資料提及,八歲前有經期屬早熟,換言之,女孩子發育期已經慢慢推前。


📷台灣醫生意見


當中原因可能係受遺傳,營養,氣候同埋運動等等嘅因素影響。早前看過兩篇報章,數個月大的女嬰也有假性經期,因為佢身處嘅環境有化學超標塑膠地板又或者媽媽食咗超標5倍DHA塑化劑膠囊等等。

地球污染,農作物及家禽加入催化劑同荷爾蒙藥令到佢哋生長快啲,又或者我哋身邊不斷接觸嘅超標化學物質,唔止影響緊我哋,更正正影響緊我哋下一代。



📷比同年紀小朋友高大


囡囡Jasmine 身高同體重一向都係成長線以上,好多人都唔知,原來小朋友一年高度增長少於3.6cm 或者多於8 cm ,都算唔正常!小朋友增高年齡有限,如果家長們想小朋友高快啲,冇敏感的話不妨可以試吓多吃奶,芝士,蛋,乳酪等等食品。


📷小小年紀,但係清潔皮膚刻不容緩,否則變咗皮脂炎。


囡囡最近面珠、額頭同鼻哥都生咗啲小暗瘡,鼻翼亦都生左小黑頭。

我一向對揀護膚品好嚴謹,尤其是對小朋友,無論平時防曬或者身體乳液,都會揀啲刺激性較低或者全天然嘅俾佢用。例如幼海鹽加蘆薈膏輕輕磨沙再做保濕,再加足夠嘅湯水或者糖水,平時八杯水不可少。


📷親子扮靚時間


之前去旅行,就買咗好多得意公仔嘅面膜比囡囡玩。


📷好多唔同嘅卡通造型,有啲寫明係比小朋友,細細張好得意。


我更加着重休息時間,平時9:00一定要瞓覺,七點起身返學。星期六日都唔可以太遲。





📷阿女近期好迷嘅兒童漫畫書📷阿女近期好迷嘅兒童漫畫書


我近發現阿女鍾意嘅兒童漫畫系列,都出咗一本講解青春期的秘密,阿女好鍾意睇,唔識嘅字又會問我點解,增加性知識之餘又可以學到生字。一舉兩得!



📷內容輕鬆搞笑


而家呢一本漫畫版,公仔畫得好靚,顏色好吸引,囡囡好鍾意睇,又可以一齊研究下裏面嘅內容,大家都可以望下啱唔啱自己睇啊!


📷另外一本都好啱大小小嘅小朋友或者大人睇。



之前買呢幾本青春期書籍,阿女好多字都唔識,所以都只係由媽媽睇, update下知識。希望青春期嚟到嘅時候上,啲知識可以大派用場!


正所謂養兒100歲,長憂99!除咗生理問題,心理問題都唔可以輕視。小朋友不斷成長,家長唔好以為可以放輕鬆,放手唔使再理,相反,我會更加多同囡囡傾計。因為佢係學校嘅時間長咗,識嘅人多咗,好多時會有朋輩溝通等等問題,當然最唔想有欺凌嘅問題出現,有時候囡囡會同我講唔開心,發生咗啲咩事,有陣時我聽完,可能係小問題,小誤會,但係對於佢來講可能會埋藏喺心裏面好耐,唔開心,所以盡快幫佢解決,攞出黎傾,同佢分析,希望快啲解決小誤會。香港兒童自殺問題嚴重,我哋家長都要正視!



0 views
  • Facebook Social Icon

​聯絡我們