top of page
2023 App xs.jpeg

30秒自我介紹(英文版)示範

已更新:4月25日



「自我介紹」依條問題基本上係每間學校面試時都會問嘅問題,每年都有家長問,到底講咩好?點樣同小朋友準備?雖然依條問題差唔多間間學校都會問,有時用中文,有時會用英文問,答嘅時候都有不同的注意⚠️ 嘅地方。

首先,點解學校會問依條問題?老師想知道d咩?

依條問題都考到小朋友好多嘢,以下係一D注意事項,家長同小朋友準備時都可以留意下:


介紹自己第一樣要比老師知你叫咩名,記得要講証件上的全名。老師用中文問,你要用中文答,用英文問就用返英文答。通常用中文答都唔會出事,「我叫李聰明」。但英文就有機會出事啦,因為好多小朋友都有英文名,好容易只答英文名而無講証件上的全名。

🙅🏻‍♀️ Hi, my name is Fiona.

👍 Hi, my name is Lee Chung Ming, you can call me Fiona.


另外仲有一個地方要留意嘅就係你的家庭成員。好多小朋友都係工人姐姐湊大的,但佢係同住,不過唔係家庭成員。通常家庭成員係指直系親屬,例如父母及兄弟姐妹才會計算在內。


之後可以講下小朋友最中意D咩,例如最喜歡的故事書、卡通人物、電影、食物、興趣班等等,跟據自己喜好便可。


📌 其中一樣強烈建議大家會講嘅係放假或餘暇時父母會同小朋友去邊或者做D咩活動,學校都好注重家長是否有足夠的親子時間陪伴孩子成長。


另外重有一樣非常重要的事情必須注意,就是無論你用中文定英文,都一定要用完整句子作答


以下係一個基本流程比大家參考。當然,每個小朋友都可以發揮自己創意去介紹自己啦!

  1. 介紹自己的名字(証件全名)

  2. 你現在幾多歲

  3. 你有幾多位家庭成員,他們是你的什麼人

  4. 現在讀邊間學校,住起邊度

  5. 你有什麼興趣或其他喜歡的事情

  6. 最中意同父母一起的活動

  7. 最後記得講「多謝」

近年好多小學在第一輪面試時需要小朋友以拍片形式介紹自己,大約半分鐘時間。所以今次小編誠邀了一位小朋友,以英文為我地錄咗一個示範比大家參考下 😊



早前小編已為大家製作了一份自我介紹工作紙,大家都可以按以下連結下載


selfintro_ws_xs
.pdf
下載 PDF • 321KB

我們將會在 Get Set Parents 的小一面試備戰谷內發放更多資訊,家長可按以下連結加入!




14,387 次查看0 則留言

相關文章

查看全部

Comments


bottom of page